कराडच्या जवानाचा जम्मू आणि काश्मीरमध्ये अपघाती स्फोटात मृत्यू.

 कराडच्या जवानाचा जम्मू आणि काश्मीरमध्ये अपघाती स्फोटात मृत्यू.

 गोंडवाना न्यूज ब्युरो रिपोर्ट दि.10 : 

जम्मू आणि काश्मीरच्या बारामुल्ला जिल्ह्यातील उरी सेक्टरमध्ये नियंत्रण रेषेजवळ (LoC) झालेल्या अपघाती स्फोटात दोन लष्करी जवानांचा मृत्यू झाल्याची घटना घडली आहे. यामध्ये कराड तालुक्यातील शहापूर येथील अर्जुन राजेंद्र जाधव या जवानाचा समावेश आहे.सूत्रांनी दिलेल्या माहितीनुसार, काल संध्याकाळी नियंत्रण रेषेजवळील उरीच्या कमलकोट भागातील त्यांच्या छावणीत झालेल्या अपघाती स्फोटात दोन जवान गंभीर जखमी झाले.जखमी जवानांची ओळख महाराष्ट्रातील ऐरोली येथील रहिवासी चव्हाण विक्रम बालकृष्ण आणि सातारा जिल्ह्यातील कराड तालुक्यातील शाहपूर येथील रहिवासी अर्जुन राजेंद्र जाधव अशी पटली आहे. त्यांना श्रीनगरमधील बदामीबाग छावणीतील लष्करी रुग्णालयात हवाई मार्गाने नेण्यात आले, जिथे डॉक्टरांनी त्यांना मृत घोषित केले.