कासेगाव येथे बसचा अपघात; सुदैवाने जीवितहानी नाही.

 कासेगाव येथे बसचा अपघात; सुदैवाने जीवितहानी नाही.

कासेगाव -प्रतिनिधी.(सुनील शिंदे )

कासेगाव परिसरात सुरू असलेल्या रस्त्याच्या कामादरम्यान आज एका खाजगी बस अपघातग्रस्त झाल्याची घटना घडली. मिळालेल्या माहितीनुसार, रस्त्याचे काम सुरू असल्यामुळे मार्गावर काँक्रीटचे बॅरिकेड्स लावण्यात आले होते. त्याचदरम्यान बसचालकाचे वाहनावरील नियंत्रण सुटल्याने बस रस्त्याच्या कडेला जाऊन अडथळ्यांवर धडकली.या अपघातात बसचे काही प्रमाणात नुकसान झाले असले तरी सुदैवाने कोणतीही जीवितहानी झाली नाही. बसमधील प्रवासी सुरक्षित असून त्यांना किरकोळ धक्का बसल्याचे सांगण्यात येत आहे.घटनेची माहिती मिळताच स्थानिक नागरिक व संबंधित यंत्रणा तात्काळ घटनास्थळी दाखल झाली. अपघातानंतर काही काळ वाहतूक विस्कळीत झाली होती, मात्र नंतर परिस्थिती नियंत्रणात आणण्यात आली.रस्त्याचे काम सुरू असताना योग्य खबरदारी घेण्याचे आवाहन प्रशासनाकडून करण्यात आले आहे.