दिव्यांग बांधवांच्या हक्कांसाठी आता सर्जेराव देसाई यांचा बुलंद आवाज !

 दिव्यांग बांधवांच्या हक्कांसाठी आता सर्जेराव देसाई यांचा बुलंद आवाज !

दिव्यांग विकास आघाडीच्या उपजिल्हाध्यक्षपदी टाळगावचे सुपुत्र सर्जेराव खाशाबा देसाई यांची नियुक्ती

कराड : प्रतिनिधी.

टाळगाव, ता. कराडगावचे सुपुत्र, सामाजिक बांधिलकी जपत सर्वसामान्यांच्या प्रश्नांसाठी सातत्याने कार्यरत असलेले श्री. सर्जेराव खाशाबा देसाई यांची भारतीय जनता पार्टीच्या दिव्यांग विकास आघाडीच्या उपजिल्हाध्यक्षपदी नियुक्ती करण्यात आली आहे. त्यांच्या या नियुक्तीमुळे टाळगावसह कराड तालुक्यातील सामाजिक व राजकीय क्षेत्रातून समाधान व्यक्त होत असून, विविध स्तरांतून त्यांच्यावर अभिनंदनाचा वर्षाव होत आहे.समाजातील प्रत्येक घटकाला विकासाच्या प्रवाहात समान संधी मिळावी, दुर्बल व वंचित घटकांच्या अडचणी समजून घेऊन त्यांच्यासाठी ठोसपणे काम व्हावे, या भावनेतून श्री. देसाई यांनी सामाजिक क्षेत्रात आपली स्वतंत्र ओळख निर्माण केली आहे. दिव्यांग बांधवांच्या समस्या केवळ सहानुभूतीने नव्हे, तर त्यांना अधिकार, सन्मान आणि आत्मनिर्भरतेच्या माध्यमातून सक्षम करण्याच्या दृष्टीने काम करण्याची मोठी जबाबदारी त्यांच्या खांद्यावर आली आहे.दिव्यांग व्यक्तींना शासनाच्या विविध योजना, शैक्षणिक व रोजगाराच्या संधी, आवश्यक सुविधा आणि त्यांचे हक्क याबाबत मार्गदर्शन व प्रभावी पाठपुरावा करण्यासाठी श्री. देसाई यांच्या माध्यमातून व्यापक काम उभे राहील, असा विश्वास व्यक्त होत आहे. दिव्यांग बांधवांच्या अडचणी प्रशासनापर्यंत आणि त्यांच्या न्याय्य मागण्या शासनाच्या निर्णयप्रक्रियेपर्यंत पोहोचविण्यासाठी एक सक्षम दुवा म्हणून ते कार्य करतील, अशी अपेक्षा त्यांच्या सहकाऱ्यांनी व्यक्त केली.या नियुक्तीनंतर श्री. सर्जेराव देसाई यांचे कराड दक्षिणचे लोकप्रिय आमदार आदरणीय श्री. अतुलजी भोसले बाबा, कराड उत्तरचे आमदार मा. श्री. मनोजदादा घोरपडे, मा. श्री. दयानंद पाटील, संचालक यशवंत मोहिते कृष्णा सहकारी साखर कारखाना लि., शिवनगर, मा. श्री. संजयरा‍व शेवाळे दादा, उपजिल्हाध्यक्ष भाजपा सातारा, श्री. पंकजराव पाटील, सोशल मीडिया जिल्हाध्यक्ष भाजपा, युवा नेते पै. तानाजीराव चवरे आप्पा तसेच श्री. प्रविण साळुंखे, दक्षिण-पश्चिम अध्यक्ष भाजपा कराड यांच्या समवेत टाळगावचे सुपुत्र श्री. जयवंतराव जाधव तात्या, श्री. प्रकाशराव पाटील आबा, श्री. उत्तमराव साळुंखे, श्री. सागर जाधव तसेच श्री. धनंजय देशमुख यांनी अभिनंदन करून पुढील वाटचालीस मनःपूर्वक शुभेच्छा दिल्या.टाळगावच्या मातीतून घडलेले नेतृत्व आता दिव्यांग बांधवांच्या सेवेसाठी व्यापक व्यासपीठावर कार्यरत होणार असल्याने ही नियुक्ती टाळगावच्या सामाजिक वाटचालीतील अभिमानाचा क्षण ठरली आहे. संघटनात्मक जबाबदारीसोबतच सामाजिक संवेदनशीलतेची जाणीव ठेवून श्री. देसाई हे दिव्यांग विकास आघाडीला अधिक बळकटी देतील, असा विश्वास व्यक्त करण्यात येत आहे.दिव्यांग बांधवांना ‘सहानुभूती नव्हे, समान हक्क; मदत नव्हे, सक्षमतेची संधी’ या भूमिकेतून विकासाच्या मुख्य प्रवाहात आणण्यासाठी त्यांच्या नेतृत्वाखाली प्रभावी उपक्रम राबविले जातील, अशी अपेक्षा आहे.श्री. देसाई यांच्या नियुक्तीमुळे टाळगावसह परिसरातील कार्यकर्ते, पदाधिकारी आणि नागरिकांमध्ये उत्साहाचे वातावरण निर्माण झाले असून, त्यांच्या नव्या जबाबदारीला यश लाभो आणि त्यांच्या कार्यातून दिव्यांग बांधवांच्या जीवनात सकारात्मक परिवर्तन घडो, यासाठी सर्व स्तरांतून शुभेच्छा व्यक्त होत आहेत.